عيد الحب ..
بحبك يا اول واخر حبايبى ..
يا روحى يا عمرى يا عقلى يا قلبى .
بحبك بدايه ماليها نهايه ..
يامعنى لوجودى يا ارضى وسمايه .
بحبك وحبك ملانى حنين ..
وغير ملامحى وحلا السنين .
بحبك بقوه تهد الجبال ..
معاكى حبيبتى مفيش المحال .
بحبك نجومى وقمرى وشمسى ..
كلامى وسكوتى وصوتى وهمسى .
بحبك ضعيفه بحبك قويه ..
بحبك بريئه بحبك شقيه .
بحبك اجابه لمليون سؤال ..
ومعنى حقيقى لمعنى الخيال .
بحبك متاهه وسكة رجوع ..
واهه وضحكه وفرحه ودموع .
بحبك سواقى بتروى الغيطان ..
وشجره وضله مصاحبه المكان .
بحبك بلهفة وشوق وانتظار ..
طيور المحبه يجيها النهار .
بحبك حلم ف عيون الصغار ..
يخطوا اليالى ويبقوم كبار .
بحبك شقاوه ف لعب البنات ..
ونظره وضحكه وسكر نبات.
بحبك قصيده كلامها جديد ..
تهز المشاعر تهز الحديد .
بحبك سفاين تعدى الحدود ..
تنادى الموانى بشوقها تعود .
بحبك مداين ساكنها الحنان ..
بحبك جناين بتطرح امان .
بحبك هقولها سنينى بطولها ..
يا قمره فى ليلى ونفسى اطولها .
21/6/2007, 22:30
