إحنا معاكم للآخر

موضوع: إحنا معاكم للآخر 22/5/2007, 11:41

إحنا معاكم للآخر

والآخر جي معاكم

عشان إحنا من الآخر

عارفين آخرتها معاكم

أنتم لوثتوا حياتنا

خليتم كل أوقاتنا

ف الفرح بتبقى مياتم

وإحنا بنسكت صحيح

وساعات بنطاطي لريح

بس أما هتقسوا زيادة

هنثور ثورة مجاريح

ونجيب أحلامنا بايدنا

وهنعلنها على المدنا

أنتم لوثتوا حياتنا

خليتم كل أوقاتنا

ف الفرح بتبقى مياتم .

موضوع: رد: إحنا معاكم للآخر 22/5/2007, 11:49

رعاع

رعاع والحزن يرعى

ف قلوب م الغربة والعة

ليه لما ف يوم بنوعى

بيفرقنا المنادي

نحلم في الليل بحضنك

وبايدك.. غصب عنك

عايشين فرحك وحزنك

لا عبيد ولا دول سيادي

دول فاكرينك هفية

واحنا ف ايدهم ضحية

احنا اللي خليناهم

فاكرين ف دوانا داهم

مهما هيطول غماهم

مش رح نفضل ندادي

موضوع: رد: إحنا معاكم للآخر 22/5/2007, 11:50

اه ياملوك

اه يا ملوك العربيات

تاجروا في عرقي

ف موتي ف غرقي

وارموا ف ورقي

كل ديون العربيات

دوسوا علينا عدوا علينا

ارموا عجلكم كله علينا

وأما البنزين يخلص فينا

تنك قلوبنا أهو كله آهات

سيبوا لشعبكوا حاجة

لو ايدكم محتاجه

كنا قلنا أهي حاجة

بس سيبوا لنا حاجات

إن شاء الله شوية عربيات.!!

موضوع: رد: إحنا معاكم للآخر 22/5/2007, 11:51

الملك زي السفينة

واحنا ركاب طيبين

لو قوي هيعدي بينا

ولو ضعيف نغرق ف طين

_واللي حواليه دولا مين؟

دول نبات مالوش جدور

ولا لهش عازة

في الفرح او ف الطهور

يستفيدوا م الجنازة

دولا لو بصيت عليهم

ولا دققت ف عنيهم

هتلاقيهم كلهم حوالينا

ينفعوا شياطين.

موضوع: رد: إحنا معاكم للآخر 24/5/2007, 19:08

نرحب بالمبدع الصديق حمدى على الدين فى قسم الفلكلور
تحياتى وحبى وتقديرى
سعيد

موضوع: رد: إحنا معاكم للآخر 12/6/2007, 11:37

اممممممم!!!

قبلة لقلبك