اوعك..؟؟؟؟؟؟!!
اوعك تكونى فاكره نفسك معجزه!!!
دانتى مية نار يا روحى مركزه......
ـــــــــــــــــــــــــــــــــــــــــــــــ
اوعك تبصى لقلبى من تحت لفوق
قولى لقلبك يصحى من نومه يفوق
اوعك تكونى فاكره حبك ليا طوق
ولا لما تغيبى ..هيعزبنى شوق
دانتى عمله رخيصه مالها حتى سوق
والله لو هتكونى مية العطشان مش هدوق
بكره صورتك من حياتى تختفى والبال يروق
ـــــــــــــــــــــــــــــــــــــــــــــــــــــــــ
اوعك تكونى فاكره بعدك الحياه هتختفى
ولا نور القمر والشمس علشانك هينطفى
ولا هجيلك شايل دموعى واقولك اعطفى
لاء تبقى غلطانه ولازم تعرفى ...........؟؟
انك شيطان جوه صورة ملاك مختفى!!!!!!!
وافعى سامه على وتر القلوب بتعزفى
قولى لقلبك كفياه غرور..وقفى..........
ــــــــــــــــــــــــــــــــــــــــــــــــــــــ
بكره نيران قلبى هتطفى لوحدها
لما اشوف دموعها تجرى على خدها
وجرحها تكتر تبقى تايها ف عدها
واشوفها تغرق ولا ايدى ليها امدها
والدنيا والايام تكسر غرورها تهدها
ساعتها هاجى اشوفها واقولها.....
كل الاسيه والجراح الزمان ليكى ردها
و...اوعـــــك ؟؟؟؟؟؟؟؟؟؟؟؟؟؟؟؟؟؟؟؟
ــــــــــــــــــــــــــــــــــــــــــــــــــــــ
25/6/2007, 23:22
