موال الخوف

موضوع: موال الخوف 5/3/2008, 19:16

موال الخوف

الخوف جوايا زى السوس بينخر فى الكيان ويدمره
والفرح لما يملى الصدر بيغيره
والضحك لما بيترسم ع الشفايف بيقتله
ليه يا خوف غيرتنى-------
توهتنى--------
مليت حياتى ببرد كبير بيهدنى------------
ليه ضيعت منى كل لحظة حلوة ---------وحيرتنى؟
خلتنى أخاف من خطوتى-----
من بسمتى---------
من همستى------
من طلعتى-----
وانا اللى كنت لما بمشى بيتعرف
انا مين من صوت مشيتى
والجمال اللى سكنى مكنش عمره بيتوصف
والناى يغنى لما يسمع صوت ضحكتى

خلتنى ليه بس النهاردة كدة حزينة
والبسمة تهرب م الشفايف
وتقولى يا مسكينة
والزهرة اللى من زمان زرعتها
ماتت من قلة ريهاااا
معدشى دمعى يبلها
حتى دموع عنية اتحجرت
يا خوف
يا خوف ملا الفؤاد وخلاه خراب
معدتش اسمع فيه غير صوت الغراب
والذكريات الحلوة --------نزلت عليها اكوام تراب
والفرح ادام عنية صبح م الهموم دى سراب
معدشى يفرحنى ولا حتى قرب الاحباب
000
شفت يا خوف لايه وصلتنى
لبحر عاصف-----
وموجه قاسى بيشدنى
وانا فيه لوحدى مفيهش ايد تتمد لى
ولا حضن دافى يضمنى
وحبايبى جنبى وبالف ايد بتزقنى
وبيرمونى ف وسط الخوف والمجهول
يرضيك يا خوف حالى كدة معقول؟
انا هفضل عليك ساكتة
وصبرى عليك هيطول
ولحد اما ريشى يطول
ومنك اقدر اطير
هفضل اغنى واقول
فى صبرى عليك والخوف
مواويل ومواويل
بريشة منى عز الدين

موضوع: رد: موال الخوف 5/3/2008, 19:48

وصبرى عليك هيطول
ولحد اما ريشى يطول
ومنك اقدر اطير
هفضل اغنى واقول
فى صبرى عليك والخوف
مواويل ومواويل
بريشة منى عز الدين

*************
فعلا مواويل تستحق ريشة منى عز الدين الفنانة التى تجيد فن الكلمات الرقيقة
تحياتى لوجودك الجميل واتمنى التواصل على جبل الاولمب ايتها العبقرية

موضوع: رد: موال الخوف 5/3/2008, 20:20

اشكرك يا صديقى على كلماتك الانيقة
اما عن العبقرية دى
اظنها ليست لى انا
العبقرى هو انت حقا فى رسم الكلمات
فانا مجرد مبتدأة صغيرة
تحياتى لك

موضوع: رد: موال الخوف 31/3/2008, 01:44

الصديقة منى

التلقائية الفنية أحيانا تكون شعرا وأحيانا أخرى تحتاج إلى وقفات مع العمق حتى تتحقق الإضافة
خالص مودتي وتقديري